Какви се тие акни кај возрасни?
Кога сте тинејџер кој страда од акни, замислувате дека кога ке станете возрасни, таа борба со акни и мозолчиња ќе бидат минато. Сепак, до 40% од возрасните доживуваат акни во своите 30-ти, 40-ти и 50-ти. Кај некои процесот на акни од тинејџерски денови продолжил без престан до длабока возраст. Другите возрасни лица можеби заради добра генетика или други фактори успеале воопшто да не се соочат со акните во нивните тинејџерски денови, но затоа на зрела возраст за прв пат се среќаваат со проблемот со акни. Овој феномен е познат како акни кај возрасни лица. Исто како и кај тинејџерските акни, акните кај возрасни можат да бидат резултат на запушени пори, стимулирани масни жлезди, пораст на бактерии, хормонални промени или воспаленија. И, проблемот со акни е исто толку вознемирувачки и на 40 години, како и кога имате 14 години. Да се најде најдобриот третман за акни кај возрасни, бара разбирање на причините што ги предизвикуваат акните кај возрасни, како и проценка на опциите за третман на акни кај возрасни.
Акни кај возрасни жени
Акните кај возрасните се почести кај жените отколку кај мажите и обично се јавуваат на возраст меѓу 20 и 54 години. Акните кај жени честопати изгледаат поинаку од акните кај тинејџерите, па многу жени не сфаќаат дека доживеале исфрлување со акни. Акните кај жени обично се состојат од неколку големи, тенки, испакнатини кои траат со недели и никогаш не доспеваат до самата површина на кожата. . Сепак ова не значи дека кај возрасните жени не можат да се појават црни комедони, бели комедони и папули.
Многу жени грешат кога за своите недостатоци на кожата сметаат дека се алергиски одговор на производ за нега на кожата, но тоа е далеку од вистината. Поголемиот дел од случаите се предизвикани од реакција на хормони. Нивото на хормоните кај жените се менува секој месец во текот на нивниот живот. Месечни циклуси, бременост, започнување или запирање на апчиња за контрацепција, перименопауза и менопауза, сите предизвикуваат хормонални промени што можат да доведат до појава на акни кај возрасни жени.
Други причини за појава на акни кај возрасни жени
Стресот исто така може да предизвика хормонални промени затоа што ослободува кортизол и андрогени хормони, што може да го зголеми производството на себум.
Акни кај возрасни мажи
Мажите немаат такви хормонални промени и осцилации како жените. Па со оглед на тој факт појавата на акни кај возрасни мажи е многу поредок феномен. Бидејќи нивоата на тестостерон и дихидроксистестостерон како андрогени хормони остануваат константни во зрелоста (по зголемувањето за време на пубертетот), повеќето мажи имаат акни до крајот на 20-тите години. Сепак, до 25% од мажите добиваат возрасни машки акни.
Акни кај мажи можат да се појават како одговор на стрес, лекови на рецепт, стероиди, капи или спортски прибор, изложеност на топлина и влажност, гелови за коса, помади и креми за заштита од сонце. Успешно лекување на акни кај возрасни значи подразбира да се препознае причинителот кој ги предизвикува вашите возрасни акни.
Мозолчиња после бричење
Мажите, особено оние со кадрава коса, се предиспонирани на мозолчиња после бричење. За разлика од акните, мозолчињата после бричење се предизвикани од поткожни влакна. Меѓутоа, и двете состојби може да изгледаат слично. И да бидат инфицирани со бактерии и да предизвикаат црвенило и воспаление.
