Што е тоа Cosmelan третман за депигментација на кожата?
Cosmelan третман е професионален систем за пилинг наменет за депигментација. Самиот процес на пилинг е двофазен, со тоа што првиот дел од пилингот се изведува во нашиот центар. Cosmelan 1 се нанесува на лицето и се остава да делува 8-12 часа. На третиот ден се забележува интензивно одлупување на кожата. После 7 дена се применува вториот чекор преку употреба на Cosmelan 2 за да се спречи ремисија на хиперпигментацијата. Се работи за инхибитор на тиросиназа, кој делува на производството на вишок меланин.
Кога станува збор за мелазма, редовнен режим за одржување е неопходен за да се намалат шансите за повторна појава. Cosmelan кај изразито тешки случаи може да се работи два пати годишно.
Овој третман не е прикладен за секаков вид на пигментација.
Предности на Cosmelan третман
Ефективна депигментација на кожата
Ефикасна превенција на повторување на пигментираната лезија
Безбедно за сите типови на кожа I-VI
Без непријатност
Како делува Cosmelan третманот на пигментирани лезии?
Cosmelan има активни состојки кои се апсорбираат од кожата во период од 6-10 часа. Потоа започнува процес на интензивно одлупување на кожата при што се исфрла пигментот од кожата во период од една недела. Преку специјална крема која содржи инхибитор на тиросиназа се спречува повторното појавување на пигментот. Заедно со заштитен фактор SPF50, оваа програма успешно го решава проблемот со пигментирани лезии.
Колку Cosmelan третмани се потребни?
Потребен е само еден Cosmelan третман за да се видат резултатите. Може да бидат потребни послодователни месечни третмани два пати годишно за тешки случаи на мелазма. Состојбата со мелазма може да се врати ако основните предизвикувачи сè уште се присутни, затоа третманот со Cosmelan нуди систем за одржување на постигнатите резултати.