Што е тоа лентиго
Како што стареете, може да забележите кафени или црни дамки на вашата кожа. Овие точки се особено чести на места изложени на сонце, како вашето лице, врат, деколте и дланки. Тие се нарекуваат лентиго (лентигини).
Лентиго може да се развие многу бавно во текот на многу години, или може да се појави одеднаш.
Видови на лентиго кои може да се јават на кожата
Постојат неколку различни видови лентигини. Овие типови се засноваат на причината и каде се појавуваат на вашето тело:
- Лентиго симплекс е најчестиот вид. Дамките се појавуваат на трупот, рацете и нозете. Лентиго симплекс често започнува со раѓање или за време на детството. Дамките можат да исчезнат со тек на време.
- Сончевиот Лентиго е предизвикан од изложеност на ултравиолетово зрачење од сонцето. Овој тип е чест кај луѓето постари од 40 години, но можат да го добијат и помладите. Тоа се случува кога УВ зрачењето предизвикува размножување на пигментните клетки наречени меланоцити во кожата. Сончевиот лентиго се појавува на делови од телото изложени на сонце, како лицето, вратот, деколтето, рамената и рацете. Дамките може да растат и да се прошируваат во дијаметар со текот на времето. Соларните лентигини понекогаш се нарекуваат и старечки дамки.
- Лентиго во форма на дамки од мастило се појавува по изгореници од сонце кај луѓе кои имаат посветло тен на кожа.
- PUVA Лентиго може да се појави после псорална и ултравиолетова А терапија (PUVA), која се користи за лекување на состојби како егзема и псоријаза.
- Лентиго од солариум се појавува по изложување на кожата во уреди за потемнување на тенот на кожата – солариуми.
- Лентиго од зрачење се појавува во области на кожата кои биле изложени на зрачење – на пример, кај третман на рак.
Симптоми кај лентиго
Лентиго предизвикува појава на рамни дамки на телото. Овие дамки обично имаат потемен тен, кафеава или црна боја. Често имаат заоблени или нерамни рабови.
Лентингините можат да се појават на различни области на вашето тело, во зависност од нивната причина. Тие не чешаат и не предизвикуваат други симптоми.
Поради кои причини се појавуваат?
Изложеноста на УВ зрачење може да предизвика Лентиго. Поверојатно е да ја добиете оваа состојба ако:
- имате светол тен на кожа
- сте биле изложени на сонце предолго време или сте имале неколку изгореници од сонце
- сте имале фототерапија или терапија со зрачење
Во други случаи, наследен синдром може да предизвика лентигини.
Луѓе од сите возрасти и од двата пола можат да добијат лентигини.
Третман на Лентиго
Лентингините обично не се причина за грижа, затоа не треба да се третираат. Сепак, лентигините знаат да бидат сериозен естетски и козметички проблем. Затоа повеќето лица сакаат да го решат заради естетски причини.
IPL терапија
Терапијата со интензивна пулсна светлина (IPL) цели на области на хиперпигментација без да влијае на епидермисот или на поткожните ткива. Овој третман е малку сличен на ласерското обновување, но за разлика од ласерската енергија, IPL енергијата се апсорбира само од специфични тенови на ткиво. Во овој случај, засегнати се само клетките одговорни за хиперпигментацијата.
